Policia në Tajlandë tha se do të ngrejë akuza ndaj një anëtari të parlamentit tajlandez pasi qëlloi për vdekje aksidentalisht sekretaren e tij.BBC bën me dije se aksidenti ndodhi në një restorant të dielën në mbrëmje.
Senatori Boonsong Kowawisarat nxori një armë automatike, ndërkohë që po priste ushqimin. Por arma u shkreh aksidentalisht dhe sekretarja e tij u qëllua në stomak.
Policia thotë se Boonsong ishte në shok pas incidentit, ndërkohë që pronari i restorantit nxitoi të dërgonte sekretaren në spital, ku ndërroi jetë.
Korrespondentët thonë se nuk dihet nëse senatori ishte në dijeni se arma ishte e mbushur.
Një zyrtar policie tha se familja e sekretares nuk do ngrejë padi për shkak se ata e dinë që ishte aksident dhe janë edhe të afërm.
Senatori do arrestohet dhe rrezikon deri në 10 vite burg dhe një gjobë prej 636 dollarë.
Zyrtarët thonë se nuk është e qartë se pse senatori ishte me armë në restorant.
Categories: