Ka pas krahëve dy martesa të dështuara dhe një sërë lidhjesh të pasuksesshme, por Kim Kardashian duket se ka gjetur më në fund veten tashmë që është e lidhur me reperin Kanye West.
Kardashian është shprehur në një intervistë për revistën ‘Tatler’ se nuk e imagjinon dot veten me asnjë mashkull tjetër përveç të dashurit aktual.
“West ka qenë shoku im i ngushtë dhe është diçka e mrekullueshme të kesh në krah dikë që kupton gjithçka që ka të bëjë me ty. Ai ka qenë pranë meje në të gjitha etapat e jetës sime, kështu që kjo lidhje është ndryshe nga të tjerat. Nuk e imagjinoj dot veten me askënd tjetër”, deklaroi 31-vjeçarja.
Gjithsesi, Kardashian pranon që çdo mashkull tjetër që ka pasur e ka konsideruar si “atë të duhurin”.
“Jam shumë romantike dhe gjithmonë kam besuar tek dashuria. Për këdo me të cilin lidhem mendoj se është i duhuri”, shpjegon 31-vjeçarja.
Categories: