Modelja izraelite, Bar Rafaeli ka pozuar për kopertinën e revistës prestigjioze ‘Maxim’ të këtij muaji, e cila e ka përzgjedhur si numrin 1 ndër 100 femrat më ‘hot’ të vitit.“Mendoj se është një titull që nuk do ta harroj kurrë dhe për të cilin do të jem krenare sa të jem gjallë, – u shpreh modelja bukuroshe. – Dhe kur të plakem, do të vij vërdallë duke thënë: hej unë jam Bar Rafaeli, kam qenë numri 1 i femrave më të bukura për ‘Maxim’. Dhe, është një nder të cilin nuk do ta harroj kurrë”, – u shpreh Rafaeli për ‘Maxim’.
Në përgjithësi njerëzit e famshëm flasin për pikat e tyre më të dobëta, por 27-vjeçarja ka dashur të zbulojë edhe pjesën më të preferuar në trupin e saj, që është stomaku.
“Stomaku im është i fortë, dhe unë jam shumë krenare për këtë fakt. Mund të ha sa të dua. Për mua kjo është një nga gjërat më të mira në jetë”, – tha 27-vjeçarja.
Modelja bionde, e cila ka qenë dikur e dashura e aktorit të madh Leonardo DiCaprio, tregon se pas shkëputjes së kësaj marrëdhënieje e ka shumë të vështirë të dalë me meshkuj të tjerë dhe arsyeja e kësaj është se nuk i pëlqen shumë të dalë dhe nuk ka shumë shanse të takojë njerëz të rinj.
Categories: